bezubaan ishq – Tu Bhi Ek Khamosh Khat Hai

prevnext

Mai Bhi Ek Bezubaan BuT Hun
Tu Bhi Ek Khamosh Khat Hai
Ishq Hi Mera Nasha Hai
Dard Hi Tere Dil Ki Lat Hai

Jitne Din Bhi Saans Rahenge
Utni Raaten Jugnu Banenge
Palkon Pe Ye Chand Sitare
Rakhne Ka Hamko To Hak Hai

Dene Wale Jaan Bhi Denge
Lene Wale Jaan Bhi Lenge
Dil Ka Sauda Hai EkTarfa
Aashiqon ki Ye Kismat Hai

Chal Pade Hain Dil Me Jabse
Sab Kuchh Chhoot Gaya Hai PiChhe
MujhMe Ek Faqir Jaga Hai
Ye Dunia To Ab Dojakh Hai

BuT- बुत- statue
Lat- लत- habit
dojakh- दोजख- hell

©RajeevSingh # love shayari #share photo shayari