Ret Par Har Kadam Ki Nishani Likho
In Lahron Ki Pyasi Jawani Likho
Is Samandar Ke Sang-Sang Bahte Huye
Mere Shayar Tum Meri Kahani Likho

Aarzoo Ban Gayi Hai Ye Thandi Hawa
Kheench Kar Le Chali Hai Ye Jane Kahan
Ho Rahe Hain Dil Me Ab Armaan Jawan
Aise Ahsaas Ko Tum Jawani Likho

Sahilon Ki Tarah Tum Mile The Kahin
Mere Aansoo Ki Lahren Bahe The Wahin
Tum Bhi Ho Ay Mere Dil Retili Jamin
Aise Manzar Ko Tum Zindgani Likho

Is Sahil Ke Reton Par Chalte Huye
Mere Shayar Tum Meri Kahani Likho

©RajeevSingh # love shayari #share photo shayari