shayri – Tum Mere Dil Me Aa Chuke, Ham Tere Dil Se Ja Chuke

 Ishq me judayi hi jyada nasib hoti hai. Wo dil se door chali jati hai aur wo jitni door jati hai ham utne hi uske paas hote chale jate hai. Ishq me jism ki dooriyan dil me nazdikiyan la deti hain. Jisne pyar kiya us par judayi ka aisa hi asar hota hai.

Wo dil me aa gayi to duniya me kahin door chali gayi. Uske khayalon me Aashiq itna besudh ho gaya ki jism o jehan ki hawas kho baitha isliye ab use is baat se koyi aitraaj nahi ki uski mehboob kisi aur ki ho jaye, wo to ishq har halat me karta rahega.

dawa dil ki shayari pic
Dil Ki Tabiyat Kharaab Hai Kabse
Dawa Le Ke Tu Kabhi Aayi To Nahi

Lekin us Aashiq ki zindgi se roshni usi din chali gayi jis din wo door gayi thi. Wo ye nahi kahta ki tum meri raton ki chand ho..wo chand to usi din kho gaya tha jis din wo chhod gayi thi.

Ab Aashiq ki zindgi ka safar bina hamsafar ke kat rahi hai aur har raah par uske dil me bas judayi ke dard ka ehsaas hai, mehboob se mohabbat ki yaaden hain.

Ye ghazal aise hi judayi ke lamhon me likhi gayi hai jab uske chale jane ke baad dard utha tha aur wo jitni door gayi ye dard utna hi badhta chala gaya. Is ghazal me unhi dooriyon ka asar hai..

Ham Kitni Door Aa Chuke, Tum Kitni Door Ja Chuke
Tum Mere Dil Me Aa Chuke, Ham Tere Dil Se Ja Chuke

Ab Gair Koyi Chhoo Le Tujhe To Mujhe Aitraaj Nahi
Tere Ishq Me Ham Jism Ki Jarurat Ko Ganwa Chuke

Chand Ko Tumsa Kahoon To Bura Lagega Khud Mujhko
Jabse Tum Chhod Gaye, Ye Chirag Ham Bujha Chuke

Use Kaun Sa Safar Kahoon, Jise Ho Nasib Na Hamsafar
Is Zindgi Ki Raah Ko Ham Dard Me Dooba Chuke

©RajeevSingh

Advertisements

Leave a Reply

Your email address will not be published.

This site uses Akismet to reduce spam. Learn how your comment data is processed.