Tag Archives: aanchal shayari

jeena to unse bhi sikha jisne diya tha dhokha – love shayari

new prev new shayari pic

Armano Ki Baat Kahkar Har Cheez Par Mujhe Toka
Apno Ne Hi Is Kadar Meri Zindagi Ka Gala Ghota

Jab Kabhi Naya Kuchh Karne NIkla Is Duniya Me
Logon Ne Har Kadam Par Mujhe Wah Karne Se Roka

Bahut Ehsaan Ho Chuka Hai Bewafaon ka Mujhpar
Jeena To Unse Bhi Sikha Jisne Diya Tha Dhokha

Apne Aanchal Me Wo Kaaynat Ko Liye Firti Thi
Uski Dehleez Se Ye Dil Khali Daaman Liye Lauta

©rajeevsingh             shayari

prev shayari green next shayari green

Advertisements

kuchh armaan aansuon me bheege hain

new prev new shayari pic

Tere Aanchal Ki Hawa Jo Lag Jaye
Ye Dil Ki Aag To Bhadak Jaye

Kuchh Arman Aansuo Me Bheege Hain
Jane Kab Kis Ghadi Dahak Jaye

Chand Pane Ki Ab Jaroorat Kya
Jab Tujhe Dekh Aks Chamak Jaye

Gulabon Jaise Tere In Khayalon Me
Mohabbat Bhari Ye Raat Mahak Jaye

©rajeev singh shayari

don’t love me shayari – dil lagane ke liye tum kyon chale aaye ho

love shayari hindi shayari

Dil Lagane Ke Liye Tum Kyon Chale Aaye Ho
Ishq Me Jaan Ganwane Tum Chale Aaye Ho

Mere Kante Tere Daaman Ko Chubh Jayenge
Kyun Apna Khoon Bahane Tum Chale Aaye Ho

Koyi Dariya Mere Daagon Ko Na Dho Payega
Ise Aansu Se Chhudane Tum Chale Aaye Ho

Mere Aanchal Me Dard Hai Aur Kuchh Bhi Nahi
Is Daaman Se Kya Lene Tum Chale Aaye Ho

©RajeevSingh # love shayari #share photo shayari

powerful love shayari – dil bhale hi mohabbat ke liye rota hai

love shayari hindi shayari

Mein Kisi Ki Khwahishon Ka Ghulam Nahi
Meri Aazadi Ka Lena Kabhi Imtehan Nahi

Dil Bhale Hi Mohabbat Ke Liye Rota Hai
Magar Hamne Liya Kabhi Tera Ahsaan Nahi

Aag Ki Lahron Me Dekha Kiye Apna Chehra
Aaino Ka Kiya Ghar Me Kabhi Intezam Nahi

Kyun Nahi Aayi Khushi Teri Zindagi Me Dost
Logon Ki Tarah Tum Hanse Kabhi SareAam Nahi

©RajeevSingh # love shayari #share photo shayari

aap se mohabbat shayari – paas aakar tere aanchal ko thamu kaise

love shayari hindi shayari


Aapki Aahton Se Ham Yun Chaunk Jate Hain
Door Rahke Bhi Aap Dil Me Khanak Jate Hain

In Diwaron Me Hame Aap Nazar Aate Hain
Ham To Rote Huye Ab Inse Lipat Jate Hain

Jitne Pyase Hain Utna Hi Door Sagar Hai
Itna Tarse Hain Ki Aansuon Se Bhar Jate Hain

Paas Aakar Tere Aanchal Ko Tham Lun Kaise
Mere Daaman Me To Bas Kante Nazar Aate Hain


©RajeevSingh # love shayari #share photo shayari

shayri – judayi me bheega hai barson se aanchal

love shayari hindi shayari

Thahar Ja Ay Sawan, Thahar Ja Ay Badal
Bahne De Nigahon Se Thoda To Kajal

Chhodke Ay Farishte Tum Ja Na Sakoge
Jab Chidiya Tumhi Se Huyi Hai Re Ghayal

Janti Hun Tujhe Jane Kitni Sadi Se
Judayi Me Bheega hai Barson Se Aanchal

Ab Tu Hi Bas Sahara Hai Ay Khuda Mere
Bin Tere Lagta Hai Ho Jaungi Pagal

©RajeevSingh # love shayari #share photo shayari

shayri – dil ke safar me kat gayi raten jagi huyi

love shayari hindi shayari

Ghoonghat Utha Ay Ajnabi, Surat Dikha jara
Parde Ki Ot Me Na Chhip, Bahar Nikal Jara

Dil Ke Safar Me Kat Gayi Raten Jagi Huyi
Muddat Huye Soya Nahi, Lori Suna Jara

Badhti Huyi Ye Dhadkane, Hoti Huyi Tej Sans
Pasine Pasine Ho Gaya, Aanchal Dula Jara

Rahat Milegi Chand Pal Usko Niharkar
Tasweer Ke Manind Hi Aankho Me Aa Jara

chand- few, कुछ

©RajeevSingh # love shayari

shayri – masoom jazbaaton Ke lahoo se bani hai wo

love shayari hindi shayari

Samandar Teri Surat Mehboob Se Milti Hai
Teri Aankhe Us Khoobsurat Si Lagti Hai

Tere Daman Sa Faila Hai Uska Aanchal
Uski Zulfen Teri Lahron Si Lagti Hai

Uski Bahon Me Khushiyon Ke Moti Hain
Wo Bhi Gahri Si, Gumsum Si Lagti Hai

Masoom Jazbaaton Ke Lahoo Se Bani Hai wo
Uski Parchhayi Tere Pani Si Lagti Hai

©RajeevSingh # love shayari

shayri – mein tere waste duniya ke ranjo gham utha loongi

love shayari hindi shayari

Mein Tere Waste Duniya Ke Ranjo Gham Utha Loongi
Koyi Shola Utha Dil Me, Use Shabnam Bana Loongi

Tere Aane Se Mohabbat Me Rang Aayi Hai
Apni Aankhon Me Isi Rang Ka Kajal Laga Loongi

Dil Ke Jalte Daag Hain Mere Daman Me Bikhre
Apne Aanchal Pe Ise Taron Ke Manind Saja Loongi

Hai Tere Ishq Me Dard Bhi, Shiddat Bhari Udasi Bhi
Teri Gardish Ke Saye Me Apna Jivan Bita Loongi

ranjo gham- pain, कष्ट

©RajeevSingh #love shayari

shayri – aise roothoge to jann le jaoge kabhi

love shayari hindi shayari

Door Baithe Rahoge, Paas Na Aaoge Kabhi
Aise Roothoge To Jaan Le Jaoge Kabhi

Phool Ban Jayengi Kaliyen Mere Aanchal Ki
Apne Daman Ki Khushboo Se Jo Sinchoge Kabhi

Hath Galon Pe Liye, Dard Ko Aankhon Me
Aisi Tasweer Me Mujhko Bhi Paoge Kabhi

Ek Nadi Kah Rahi Tumse Ki Rote Kyon Ho
Uske Pani Ko Aankhon Me Kya Rakhoge Kabhi

©RajeevSingh #love shayari

 

shayri – Tu Bhi Tanha Hai Kitna Meri Hi Tarah

love shayari hindi shayari

Na Karo Jazb Is Dard Ko Bah Jane Do
Mere Aanchal Ko Aansu Se Bheeg Jane Do

Tu Bhi Tanha Hai Kitna Meri Hi Tarah
Aaj Dono Ki Tanhai Ko Mar Jane Do

Sirf Sunte Rahoge Tum Mere Jazbaton Ko
Apni Khamosh Juban Ko Bhi Khul Jane Do

Kitna Soona Hai Mera Dil Bhi Mere Sine Me
Ishq Ka Rang Is Phool Me Bhar Jane Do

©RajeevSingh #love shayari

shayri – Kadam Kiski Taraf Tum Badhate Ja Rahe Ho

love shyari next

BhatakTe Ja Rahe Ho, BarasTe Ja Rahe Ho
Tapi Dharti Se Rishta Nibhate Ja Rahe Ho

Mujhe Kitni Kasak Hai, Tujhe Maloom Hai Sab
Magar Mujhse Dukh Apna Chhupate Ja Rahe Ho

Are Mai To Idhar Hun, Udhar Bas Tu Hi Tu Hai
Kadam Kiski Taraf Tum Badhate Ja Rahe Ho

Tera Daman Na Bhiga Mere Aansu Se Ab Tak
Magar Aanchal Ko Mere Bhigote Ja Rahe Ho

©RajeevSingh #100 love shayari #share photo shayari

shayri – Meri Tanhai Mitane Wala koyi Nahi

love shyari next

Meri Tanhai Mitane Wala koyi Nahi
Ab Mera Sath Nibhane Wala Koyi Nahi

Itna Sannata PasRa Hai Is Jangal Me
Ek Patta Hilane Wala Koyi Nahi

Ye Badan Hai BesaHara Aanchal Ki Tarah
Isko Sine Se Lagane Wala Koyi Nahi

Do Ghadi Me Andheri Raat Guzar Jayegi
Husn Ka Chiraag Jalane Wala Koyi Nahi

©RajeevSingh #100 love shayari #share photo shayari