Tag Archives: aasma shayari

grief shayari – jabse hamko chhod gaye ho husn hamara kho gaya

love shayari hindi shayari

Raat Tadap Ke Guzar Gayi, Chand Tanha Rah Gaya
Aasma Ke Manzar Me Ek Dard Goonjkar Kho Gaya

Gamzada Surat Pe Dekho Mayusi Ke Saye Hain
Jabse Hamko Chhod Gaye Ho, Husn Hamara Kho Gaya

Ishq Ki Betaab Lahren Bahut Satati Hain Hame
Bahte Aansu Ye Kahte Hain, Wo Samandar Kho Gaya

Ab Meri Deewangi Ki Inteha To Ho Chuki
Ye Nigahen Bujh Gayi Aur Ye Juban Bhi Kho Gaya

©RajeevSingh # love shayari #share photo shayari

Advertisements

shayri – apni tanhayi ki tasweer banakar rakhun

love shayari hindi shayari

Apni Tanhayi Ki Tasweer Banakar Rakhun
Aaine Ko Apne RubRu Bithakar Rakhun

In Deewaron Se Bani Kaid Me Jee Leti Hun
Is Tarah Mein Khud Ko Duniya Se Bachakar Rakhun

Chand Sitaron Se Bhare Us Aasma Ki Tarah
Apne Sine Me Kayi Aag Mein Jalakar Rakhun

Rok Leti Hun Dariya Ko Jab Bhi Chahun
Apni Aankhon Me Ise Jheel Mein Banakar Rakhun

©RajeevSingh # love shayari #share photo shayari

shayri – tu hi tasweer thi aur dil toota aaina tha

love shayari hindi shayari

Mein Parindon Ki Tarah Aasma Me Udta Tha
Aathon Pahar Tere Khayalon Me Dooba Rahta Tha

Mujhpe Itni To Sanam Inayat Ki Tumne
Muskurati Thi Jab Tumko Sanam Kahta Tha

Tu Jo Khoyi To Ye Sara Jahan Veeran Huaa
Ab Wo Jogi Huaa Jo Kal Tera Deewana Tha

Mein To Tukdon Ko Jodta Hun Ki Tujhe Dekhun
Tu Hi Tasweer Thi Aur Dil Toota Aaina Tha

©RajeevSingh # love shayari #share photo shayari

shayri – ek khusi thi jo hamse juda ho gayi

love shayari hindi shayari

Aasma Dekhne Me Khata Ho Gayi
Chandni Aaj Mujhse Khafa Ho Gayi

Mere Kadmo Ne Jispe Bharosa Kiya
Raah Aksar Wahi Bewfa Ho Gayi

Jindagi Aise Manjar Dikhati Rahi
Mujhme Rone Ki Takat Dafa Ho Gayi

Ishq Me Dil Mere Ye To Hona Hi Tha
Ek Khushi Thi Jo Hamse Juda Ho Gayi

©RajeevSingh # love shayari

shayri – is dunia me jane kitne dard sunane aate hain

love shayari hindi shayari

Kalam Chale Hain Uske Khatir, Likh Dala Uska Afsana
Husn Hai Jaise Ek Kayamat Aur Balaa Uska Afsana

Shakh Pe Patton Ke Jiwan Ne Aksar Dil Hairan Kiya
Pal Pal Tootne Ke Khatron Se Jujhta Hai Uska Afsana

Is Dunia Me Jane Kitne Dard Sunane Aate Hain
Mushkil Hai Ab Tay Karna, Kaun Sa Hai Kiska Afsana

Manzil Ki Kya Fikr Fakira, Raah Hi Jiska Sathi Hai
Chand Likhta Hai Raton Ko Aasma Pe Uska Afsana

©RajeevSingh # love shayari

shayri – Main To Pyasa Hun, Aakhir Me Wahin Jaunga

prevnext

Bujh Rahe Hain Aasma Ke Sare Tare
Chand Jeeta Hai Akela Jinke Sahare

Main To Pyasa Hun, Aakhir Me Wahin Jaunga
Jahan Kho Jaate Hain Pani Ke Sare Kinare

Koi Batla De Mera Gam Jo Khanjar Hai
Kyon Lagte Hain Mere Dil Ko Itne Pyare

Har Kisi Aankh Me Bas Main Itna Khojun
Kahin Dikh Ja Re O Dard Ke Aansoo Khare

khare Aansoo- खारे आंसू- Salty tears

©RajeevSingh # love shayari #share photo shayari