Tag Archives: daman shayari

shayari – kisi ke dard pe aksar logon ko hanste dekha hai

new prev new shayari pic

Kisi Ke Dard Pe Aksar Logon Ko Hanste Dekha Hai
Jab Apne Pe Aati Hai To Usi Ko Rote Dekha Hai

Apno Ki Musibat Me Apne Bhi Bhaag Jate Hain
Apno Ko Apno Se Hi Daaman Chhudate Dekha Hai

Daulat Ke Siwa Duniya Ka Rehnuma Koyi Nahi
Farishton Ko Rahon Par Bhikh Mangte Dekha Hai

Jis Badkishmat Ko Sab PatThar Mara Karte The
Kismat Palti To Usi Pe Phool Phenkte Dekha hai

©rajeev singh shayari

Advertisements

why you leave me shayari – meri khatir tere dil me duaa bhi nahi

love shayari hindi shayari

Hame Tum Chhod Gaye Ho Ye Socha Ki Nahi
Jise Tum Tod Gaye Ho Wo Toota Ki Nahi

Tum Daaman Me SametTi Ho Gairon Ki Wafa
Meri Khatir Tere Dil Me Duaa Bhi Nahi

Teri Palkon Me Base The Dard Ke Shabnam
Un Nigahon Me Ab Koyi Hayaa Bhi Nahi

Tera Aks Jawan Hai Kisi Aur Ke Aaine Me
Meri Kismat Me Ab Tara Saaya Bhi Nahi

©RajeevSingh # love shayari #share photo shayari

shayri – kyun mere paas teri yaad baki hai ab tak

love shayari hindi shayari

Kabhi Aati Nahi Mahtab Mere Aangan Me
Kabhi Thamti Nahi Barsat Mere Sawan Me

Sang Baitha Hai Intezar Is Tarah Tanha
Koyi Aati Nahi Aawaz Mere Jeevan Me

Ye Meri Aah Ki Purwaiyan Kahan Jayengi
Koyi Rasta Nahi Tum Tak Mere Daaman Me

Kyun Mere Paas Teri Yaad Baki Hai Ab Tak
Jane Kya Baat Chhupi Hai Mere Saajan Me

©RajeevSingh # love shayari #share photo shayari

shayri – raton me dard ka bas itna kasoor hota hai

love shayari hindi shayari

Raton Me Dard Ka Bas Itna Kasoor Hota Hai
Teri Yaad Me Aankho Ka Rona Jaroor Hota Hai

Mere Samne Tu Kuchh Kah Sakta Nahi
Dil Se Aakhir Tu Kitna Mazboor Hota Hai

Aisa Lagta Hai Mein Pagal Ho Jaungi
Ay Khuda Ishq Me Ye Kaisa Dastoor Hota Hai

Raston Pe Chalte Huye Rah Jati Hun Tanha
Tera Daman Mujhse Jane Kitni Door Hota Hai

©RajeevSingh # love shayari

shayri – aansuon ko girne me jamane lage

love shayari hindi shayari

Tum Daman Jab Hamse Bachane Lage
Duniyawalon Ke Lab Muskurane Lage

Khak Me Mile To Roya Is kadar
Aansuon Ko Girne Me Jamane Lage

Jeb Me Khuda Ke Siwa Kuchh Na Raha
Fakiron Se Ham Najar Aane Lage

Us jagah Mein Ab Tik Pata Nahi
Jo Teri Yaadon Ko Sulagne Lage

jeb- pocket

©RajeevSingh # love shayari

shayri – masoom jazbaaton Ke lahoo se bani hai wo

love shayari hindi shayari

Samandar Teri Surat Mehboob Se Milti Hai
Teri Aankhe Us Khoobsurat Si Lagti Hai

Tere Daman Sa Faila Hai Uska Aanchal
Uski Zulfen Teri Lahron Si Lagti Hai

Uski Bahon Me Khushiyon Ke Moti Hain
Wo Bhi Gahri Si, Gumsum Si Lagti Hai

Masoom Jazbaaton Ke Lahoo Se Bani Hai wo
Uski Parchhayi Tere Pani Si Lagti Hai

©RajeevSingh # love shayari

shayri – samandar se pyar karna koyi nadi chhor pati nahi

love shayari hindi shayari

Samandar Se Pyar Karna Koyi Nadi Chhor Pati Nahi
Registan Ki Taraf Bhoolkar Bhi Kabhi Wo Jati Nahi

Ek Nadi KI Chahat To Us Registan Ko Bhi Hai
Magar Pyase Ki Pyas Koyi Bhi Bujhati Nahi

Jahan Kanten Hai, Phoolon Ka Khilna Mayassar Nahi
Wahan Reton Ko Seench, Koyi Gulshan Banati Nahi

Jidhar Panii Athah, Usi Ke Daman Ko Thamegi Nadi
Idhar Pani Nahi, Ye Kami To Kabhi Bhar Pati Nahi

©RajeevSingh #love shayari

shayri – mein tere waste duniya ke ranjo gham utha loongi

love shayari hindi shayari

Mein Tere Waste Duniya Ke Ranjo Gham Utha Loongi
Koyi Shola Utha Dil Me, Use Shabnam Bana Loongi

Tere Aane Se Mohabbat Me Rang Aayi Hai
Apni Aankhon Me Isi Rang Ka Kajal Laga Loongi

Dil Ke Jalte Daag Hain Mere Daman Me Bikhre
Apne Aanchal Pe Ise Taron Ke Manind Saja Loongi

Hai Tere Ishq Me Dard Bhi, Shiddat Bhari Udasi Bhi
Teri Gardish Ke Saye Me Apna Jivan Bita Loongi

ranjo gham- pain, कष्ट

©RajeevSingh #love shayari

shayri – Ham Udhar Ko Chale Jis Dagar Pe Meri Tanhai Hai

love shyarinext

Ye Begani Sham Bas Kuchh Pal Ki Mehman Hai
Ru B Ru Mere Koi Apna Nahi, Ek Sunsan Hai

Ham Udhar Ko Chale Jis Dagar Pe Meri Tanhai Hai
Us Shahar Me Jahan Kisi Shai Se Na Meri Pahchan Hai

Mere Aathon Pahar Me Kante Hain Aur Kuchh Bhi Nahi
Mere Daman Pe Harsoo Likha Huaa Dard Ka Naam Hai

Jism Se Ud Chala Hai Parinda Na Jane Kahan Jayega
Aasmano Me Kitni Dishayen Hain, Sabse Wo Anjaan Hai

Harsoo- everywhere
Shai- शै – things

©RajeevSingh #100 love shayari #share photo shayari

shayri – Mujhse Naraz Ho Jate Ho, Mera Kya Hoga

love shyari next

Mujhse Naraz Ho Jate Ho, Mera Kya Hoga
Mujhe Yun Chhod Na Jaao, Mera Kya Hoga

Dil E Nadan Ka Sila Hai Mere Bahte Aansoo
Yahi Aagaz Hai To Anzaam Mera Kya Hoga

Hosh Jab Tak Rahega, Raah Teri Dekhungi
Dard Se Hosh Na Jayegi, Mera Kya Hoga

Janti Hun Mere Daman Me Teri Khushiyan Hain
Mera Daman Jo Chhoot Jaye, Tera Kya Hoga

©RajeevSingh #100 love shayari #share photo shayari

shayri – Teri Ulfat Me Ham Roye Bahut

prevnext

Ham Ruswa Huye Tere Naam Se
Muhabbat Me Ye Sila To Diya
Juban Pe Wafai Bahut Thi Teri
Juban Se Sahi, Kuchh To Diya

Baharon Ke Seena Me Thi Jo Jalan
Chiragon Se Roshan Tha Jo Chaman
Ujalon Se Tune Muh Ferkar
Andhera Hi Sahi, Kuchh To Diya

Teri Ulfat Me Ham Roye Bahut
Hanse Bhi To Aansoo Aa Hi Gaye
Tune Mera Daaman Chhorkar
Dard Hi Sahi, Kuchh To Diya
 
Mere Mukaddar Me Likhi Na Thi Tum
Tumko Khatawar Kis Muh Se Kahun
Mere Dil Ko Tune Yun Todkar
Tanhai Hi Sahi, Kuchh To Diya

Jamane Ke Dil Me Jazbat Nahi
Ham Bhi Sanam Kuchh Waise Hi The
Tumne Hame Jazbati Banakar
Aansoo Hi Sahi, Kuchh To Diya

©RajeevSingh # love shayari #share photo shayari