Tag Archives: dhokha shayari

shayri – hal e dil pyar se wo puchhne aaye

red pre red nex

HalE Dil Pyar Se Wo Poochhne Aaye
Meri Kamjori Ko Wo Parakhne Aaye

Kaun Kya Hai Ye Kahna Mushkil Hai
Log Aise Aise Mere Saamne Aaye

Aajkal Pyar SareAam Barasta Hai
Aakhir Dhokhe Khaakar Kitne Aaye

Dagaa Dekar Wo Hanste Rahte Hain
Aise Bewafaon Ke To Mausam Aaye

©rajeevsingh Love shayari

Advertisements

shayari – dard se kaam liya to ham badnaam huye

new prev new shayari pic

Dil Gunahon Se Huaa Pak, Bada Tajjub Hai
Do Nigahon Se Huaa Chak, Bada Tajjub Hai

Dard Se Kaam Liya To Ham Badnaam Huye
Aur Tumne Bhi Diye Daag, Bada Tajjub Hai

Ham To Milne Gaye The Mehbub Ke Shahar
Uske Dar Pe Mila Khak, Bada Tajjub Hai

Ham Khate Rahe Umrbhar Dhokhe Pe Dhokha
Lekin Sambhla Nahi Dil, Bada Tajjubb Hai

shayari – dil jamane ko samjhega aakhir kab

new prev new shayari pic

Thokren Khana Band Karega Aakhir Kab
Dil Jamane Ko Samjhega Aakhir Kab

Muddton Se Khwab Dikha Raha Hai Wo
Sare Khwab Tod Jayega Aakhir Kab

Haal Rishton Ka Ek Din Bura Hote Dekha
Tu Bhi Mujhe Dhokha Dega Aakhir Kab

Aaine Se Kayi Baar Poochhti Rahti Hun
Mera Wazood Mujhe Talashega Aakhir Kab

©rajeev singh shayari

shayri – dil chhod dega rishte nate banana

new prev new shayari pic

Kab Tak Zindagi Se Ghabrate Rahenge
Khushiyan Aur Gam Aate Jate Rahenge

Dil Chhod Dega Rishte Nate Banana
Jo Dunia Me Ham Dhokhe Khate Rahenge

Dard Likhne Se Hi To Roti Mili Hai
Apne Jakhmo Me Kante Chubhate Rahenge

Ye Achchha Hi Huaa Jo Tum Na Mili
Ab Khud Pe Hi Ishq LutaTe Rahenge

©rajeev singh shayari

shayari – ab kisi ki dagabazi se dil nahi dukhta

new prev new shayari pic

Jane Kiske Liye Jamane Ke Baad Tarsa Hai
Aasma Aaj Ro Ro Kar Bepanah Barsa Hai

Mein Abhi Jheel Hun, Barsati Nadi Na Ban Jaun
Mere Shahar Ke Bashindon Ko Ye Dar Sa Hai

Wah Bar Bar Ek Darwaje Se Laut Jata Hai
Bhale Bulati Hai Wo Ki Aa Ye Tere Ghar Sa Hai

Ab Kisi Ki Dagabazi Se Dil Nahi Dukhta
Kayi Baar Khaye Dhokhon Ka Huaa Asar Sa Hai

©rajeev singh shayari

dost shayari – ham karte rahe wafa wo dhokha dena nahi bhoola

new prev new next

Mera Yaar Kabhi Mujhse Yari Nibhana Nahi Bhoola
Jab Bhi Mila Mauka, Dil Dukhana Nahi Bhoola

Uski Fitrat Me Bewfayi Is Kadar Basi Thi
Ham Karte Rahe Wafa, Wo Dhokha Dena Nahi Bhoola

Doodh Pilata Raha Mein Ek Aastin Ke Saanp Ko
Aakhirkar Wo Ek Din Mujhe Dasna Nahi Bhoola

Jab Dekha Masoomiyat Me Chhipa Khatarnak Chehra
Jindgibhar Mein Us Yaar Ka Bura Sapna Nahi Bhoola

©rajeev singh shayari

cheated in love shayari – jawani ye kaisi khata kara baitha

new prev new next

Jane Kya Soojha, Jawani Ye Kaisi Khata Kara Baitha
Kamzarf Bewafa Ki Daillagi Se Dil Laga Baitha

Barson Me Banayi Thi Usne Duniya Me Izzat
Use Ek Pal Me Kamsin Ke Hathon Luta Baitha

Hasina Ne Hans Hans Ke Jo Badnami Ki
Wah Shakhs Kisi Kone Me Khud Ko Chhipa Baitha

Ab Rota Hai Wo Apni Kartoot Aur Kismat Par
Ki Kyon Masoom Chehre Pe Kadam Dagmaga Baitha

kamzarf – mean, नीच

©RajeevSingh

shayri – kaise tum apni aahen sine me chhupaya karte ho

love shayari hindi shayari

Sari Duniya Se To Tum Khud Ko Kinara Karte Ho
Hamse Bhi Kyun Roj Tum Aankhen Churaya Karte Ho

Dhokha Hai Har Sham Ko Suraj Ka Doob Jana Bhi
Ye Kahkar Tum Chand Pe Ungali Uthaya Karte Ho

Jangal Ko Bhi Hila Gaya Aandhiyon Ka Kafila
Kaise Tum Apni Aahen Sine Me Chhupaya Karte Ho

Phir Tum Raat Ki Saaz Pe Gane Lage Apni Gazal
Jab Shahar Sota Hai To Tum Deep Jalaya Karte Ho

©RajeevSingh # love shayari #share photo shayari

shayri – meri khamoshi se hoti unko pareshani hai

love shayari hindi shayari

Aaj Bhi Insani Duniya Reet Me Purani Hai
Kitni Sadiyan Beet Gayi Aur Wahi Kahani Hai

Jod Sakna Bhi Khuda Ke Hath Ki Ab Baat Nahi
Har Taraf Is Jahan Me Tootne Ki Nishani Hai

Doosron Ki Khushiyon Se Jalte Rahte Hain Jo Log
Unko To Puri Basti Me Aag Hi Lagaani Hai

Baton Baton Me Hi Aksar Wo Dhokhe De Jate Hain
Aur Meri Khamoshi Se Hoti Unko Pareshani Hai

©RajeevSingh # love shayari #share photo shayari

shayri – usne dil se pyar kiya dhokha bhi kiya

love shayari hindi shayari

Usne dil se Pyar Kiya, Dhokha Bhi Kiya
Ek Hi Shakhs Ne Achchha Kiya, Bura Bhi Kiya

Sansen Chalti Rahi, Hanste Rahe, Rote Bhi Rahe
Zindagi Jeeta Raha Aur Roj-Roj Mara Bhi Kiya

Kabhi Uspe Gussa Huye To Kabhi Dil Aaya
Use Khush Rakhne Ki Koshish Ki, Khafa Bhi Kiya

Ye Na Karti Wo To Kya Muhabbat Kar Pate
Hamse Milti Bhi Rahi Aur Hamko Juda Bhi Kiya

©RajeevSingh # love shayari

shayri – saugat di gham ki chand baras ke pyar me usne

love shayari hindi shayari

Kabhi Kismat Ne Diya Dhokha, Kabhi Hamne Use Mari Thokar
Zindagi Yun Hi Guzri Khud Se Ladne Aur Jhagadne Me

Saugat Di Gham Ki Chand Baras Ke Pyar Me Usne
Maut Ke Aakhiri Pal Tak Tadpe Ham Intezar Karne Me

Jazbaton Ke Saude Me Ham Sabit Huye Anadi Saudagar
Khushiyan Bechte Rahe Aur Masroof Rahe Dard Kharidne Me

Ek Pyasi Rooh Hai Mere Andar Jise Chahat Hai Chand Ki
Umr Beet Gayi Meri Bedard Aasma Ki Raah Takne Me

©RajeevSingh # love shayari

shayri – ye tera gham hai jo hamko marne nahi deta

love shayari hindi shayari

Tanhayi Ki Deewaren Hain Ulfat Ke Mahal Me
Husn Ka Shamma Jala Hai Deewane Ke Dil Me

Kuchh Der Soch Le Ay Mere Dard Ke Khuda
Sirf Jafa Hi Kyun Mere Liye Tere Dil Me

Ye Tera Gham Hai Jo Hamko Marne Nahi Deta
Aankho Me Roshni Hai Jab Tu Hai Mere Dil Me

Baharon Ka Shama Sa, Khushbu Ka Jhonka Sa
Khwabon Ka Dhokha Sa Hai Ujde Huye Dil Me

Ulfat- love
Jafa – जुल्म, giving pain
shamma- candle, चिराग
shama- माहौल, शमा

©RajeevSingh # love shayari

shayri – Kabhi Apno Ne Kabhi Dusron Ne Rulaya

love shyari next

Kabhi Apno Ne, Kabhi Dusron Ne Rulaya
Ham Roye To Ye Jamana Samajh Me Aaya

Apne Matlab Ke Liye Istemal Karte Hain
Kayi Insanon Me Hamne Is Hunar Ko Paya

Pyar Me Doobi Huyi Achchi Achchi Baten Karke
Wo Na Jane Kitno Ka Katl Kar Aaya

Magar Kuchh Log Yahan Aise Bhi Mil Jate Hain
Jinko Dusron Par Apni Jaan LutaTe Paya

©RajeevSingh #100 love shayari #share photo shayari