Tag Archives: jigar shayari

shayari – jala dil to chirag tha, bujha dil huaa khak tha

 new prev new shayari pic

Jala Dil To Chirag Tha, Bujha Dil Huaa Khak Tha
Ye Jigar Dhuan Dhuan Aur Aankhon Me Bahta Aab Tha

Duniya Ki Zindagi Me Mein Yun Banta, Bigadta Raha
Ban Gaya To Gulam Tha, Jo Bigad Gaya To Insan Tha

Aashiqi Ki Saza Kat Ke Ab Ja Raha Ise Chhod Ke
Ye Jism Hi Karagar Tha, Mera Saya Hi Gunahgar Tha

Jalta Huaa Shola e Dil Lahak Gaya, Behak Gaya
Tere Dard Ka Ye Bayaar Tha Ya Ishq Ka Khumar Tha

aab – water

©RajeevSingh # love shayari #share photo shayari

heart break shayari – jo saza deti hain wo yaaden le jao

love shayari hindi shayari

ILteza Hai Meri, tum Ye Aahen Le Jao
Jo Saja Deti Hain Wo Yaaden Le Jao

Mehdi Rachana Hai Tujhe Apne Badan Par
Aakar Mere Jigar Ka Khoon Le Jao

Ye ChitThi, Taswiren, Ishq Ki Saugaten
Tum Sab Dikhawe Ka Saman Le Jao

Maaf Kiya Tumko Meri Nadaan Wafa Ne
Tum Khush Raho Bas Ye duaa Le Jao

ilteza – request

©RajeevSingh # love shayari #share photo shayari

shayri – mujhe pyar ki pehli nazar se dekhiye

love shayari hindi shayari

Sabko Nazar Se Dekhiye, Hamko Jigar Se Dekhiye
Yani Ki Mujhe Pyar Ki Pahli Nazar Se Dekhiye

Is Dard Se Mein Mar Gaya To Muzrim Hongi Aap Hi
Bande Ko Aap Bhi Jara Khuda Ke Dar Se Dekhiye

Khushboo Koyi Mila Nahi, Man Phool Sa Khila Nahi
Gujre Nahi Hain Aap Bhi Mere Rehguzar Se Dekhiye

Sabse Mujhe Gila Hai Par Aapse To Gila Nahi
Sabke Gile Bhula Den Ham, Mujhe Is Nazar Se Dekhiye

©RajeevSingh # love shayari #share photo shayari

shayri – na aankho ko chain na jigar ko karar aaya

love shayari hindi shayari

Na Aankho Ko Chain Na Jigar Ko Karar Aaya
Mere Hisse Me Mohabbat Me Bas Intezar Aaya

Wo Mil Na Saki Phir Bhi Usase Milte Rahe
Khayalon Me Uspe Mein Sabkuchh Nisar Aaya

Barasta Raha Gham Aankho Se Sawan Ki Tarah
Har Mausam Mere Liye Dard Ki Fuhar Laya

Ab Na Raha Kuchh Bhi Is Jamane Se Wasta
Tujhe Khokar Duniya Ke Rishte Bisar Aaya

bisar aaya- bhula aaya, to forget

©RajeevSingh # love shayari #share photo shayari

shayri – ab gin raha hun mein dard e dil liye huye

love shayari hindi shayari

Bhookh Se Jindagi Me jab Behal Ho Gaye
Jehan, Jigar, Gazal Bhi Phatehal Ho Gaye

Marghat Me jab Hamne Ek Ghar Talash Liya
Duniya Ki Lashon Ke Liye Misaal Ho Gaye

Kadmo Me Padi Thi Jo Chappal Tooti Huyi
Raston Ke Liye Ham Bhi Ek Sawal Ho Gaye

Ab Gin Raha Hun Mein Dard E Dil Liye Huye
Kis Kis-se Huaa Ishq, Itne Saal Ho Gaye

marghat- श्मशान

©RajeevSingh # love shayari

shayri – mujhe tootkar kya mila, tujhe roothkar bhi kya mila

love shayari hindi shayari

Mujhe Tootkar Kya Mila, Tujhe Roothkar Bhi Kya Mila
Jab Bewfa Hi Naseeb Ho Tab Rokar Bhi Kya Mila

Ab Aag Se Ham Door Hain Par Khak Ke To Paas Hain
Thandhi Huyi Hai Chita Meri, Mujhe Jalkar Bhi Kya Mila

Mere Sath Gardish Me Rahe, Mere Sang Sang Rote Rahe
Is Badnaseeb Ke Ishq Me Tujhe Doobkar Bhi Kya Mila

Ye Jigar Lahoo Se Bhar Gaya Jab Jakhm Bhi Risne Lage
Mere Aansuon Ko Rok Kar Is Nazar Ko Bhi Kya Mila

©RajeevSingh #love shayari

shayri – tumhe yaad karne ko taras sa gaya hun

love shayari hindi shayari

Tumhe Yaad Karne Ko Taras Sa Gaya Hun
Is Duniya Me Mein Itna Ulajh Sa Gaya Hun

Marne Ke Baad Mujhko Aag Mat Lagana
Ki Jivan Ki Chita Me Jhulas Sa Gaya Hun

Aaine Me Dikhta Hai Toota Sa Aks Apna
Jakhmo Ki Chot Khakar Chatak Sa Gaya Hun

Ab Kaise Sambhalun Mein Apne Jigar Ke Tukde
Apne Hi Dil Me Dekho Bikhar Sa Gaya Hun

chita- pyre, चिता
chatak- break, टूटना

©RajeevSingh #love shayari

shayri – Tu Itni Door Hai To Nind Kaise Aayegi

love shayari hindi shayari

Meri Tabiyat Me Ye Kaisi Khumari Hai
Log Kahte Hain Ki Ye Ishq Ki Bimari Hai

Tu Itni Door Hai To Nind Kaise Aayegi
RaatBhar Jagna Aashiq Ki Lachari Hai

Ek Ahsaas Hai Jo Jine Nahi Deti Hai
Zindgi Ban Chuki Talwar Dudhari Hai

Dekhte Hain Ham Jal Jal Ke Darwazon Ko
Jigar Me UthTi Tere Aane Ki Chingari Hai

©RajeevSingh # love shayari #share photo shayari

shayri – Ishq Ke Is Daag Ka Ek Bewfa Se Rishta Hai

love shyari next

Ishq Ke Is Daag Ka Ek Bewfa Se Rishta Hai
Is Dunia Me Sadiyon se Aashiq Ka Ye Kissa Hai

Dard E Dil Ki Aag Ko Koi Sagar Kya Bujhayega
Diljalaa To Maut Ke Pahloo Me Jakar BujhTa Hai

Har Sitam Ek Aaina Hai, Tumko DekhuN Bar Bar
Khoon E Jigar To Teri Zafa Hi Pane Ko TarasTa Hai

Kagaz Ke Phulon Ki Khusboo Bhar Jati Hai Aankho Me
Tere In Purane Khaton Me Tera Saya Dikhta Hai

 

zafa- जुल्म
khoon e jigar- जिगर का खून
dard e dil- दिल का दर्द

©RajeevSingh #100 love shayari #share photo shayari

shayri – Ham Apne Dil Ke Kanton Me Teri Surat Dikha Denge

love shyari next

Jigar Me Aag Hai Jab Tak, Harek Deepak Jala Lenge
Nazar Me Ashq Hai Jab Tak, Harek Manzar Baha Denge

Mujhe Bhi Maut Ke Saye Se Dar Lagta Hai Ay Maalik
Magar Jab Tum Kahogi Tab Harek Khanzar Chubha Lenge

Tumhe Jo Phool Kahte Hain Unhe Ye ILm Bhi To Ho
Ham Apne Dil Ke Kanton Me Teri Surat Dikha Denge

Sikhaya Hai Tumhi Ne Ye Ada Bhi Apne Bande Ko
Agar Tum Samne Aao, Ham Apna Sar Jhuka Lenge

©RajeevSingh #100 love shayari #share photo shayari