Tag Archives: khamoshi shayari

shayri – gham ke maron me samandar chhupa hota hai

new prev new shayari pic

Itna Dard Aankhon Ke Andar Chhupa Hota Hai
Gham Ke Maron Me Samandar Chhupa Hota Hai

Jise Khuda Ke Siwa Kisi Ka Khauf Nahi
Usi Shakhs Me To Sikandar Chhupa Hota Hai

Husn Ke Chehre Se Jab Khamoshi Chhalakti Hai
Wahin Sachche Aashiq Ka Manzar Chhupa Hota Hai

Aisi Duniya Me Akele Hi Rah Gaye Hain Jahan
Rishton Ki Aasteen Me Khanjar Chhupa Hota Hai

©rajeev singh shayari

Advertisements

shayri – had se jayada ye dard jab badh jayega

love shayari hindi shayari

Ham Wasl Ke Waham Me Jiye Jayenge
Hizr Ke Dard Alam Se Piye Jayenge

Teri Yadon Ki Raton Me Royenge Ham
Ishq Me Ye Sitam Bhi Sahe Jayenge

Had Se Jyada Ye Dard Jab Badh Jayega
Ham Khamoshi Ko Tod Gazal Gayenge

Jab Furkat Ke Sadme Mile Hain Hamen
Tumse Milne Ki Duaa Bas Mangenge

wasl – meeting, मिलन
hizr – seperation, जुदाई
alam – pain, कष्ट
furkat – seperation, जुदाई

©RajeevSingh # love shayari #share photo shayari

shayri – Mai Intezar Me Hun Ki Kab Tootegi Teri Khamoshi

love shayari hindi shayari

Mai Intezar Me Hun Ki Kab Tootegi Teri Khamoshi
Tum Intezar Me Ho Ki Nahi Dekh Meri Khamoshi

Dard UthTa Hai Dil Me SurLahar Ki Tarah
Mai Kis Tarah Bayan Karun Roti Huyi Khamoshi

Nagmo Ke Rehguzar Me Hain Udasi Bhare Kante
Lafzon Me Tadapti Hai Chubhti Huyi Khamoshi

Mai Pareshan Nahi Hun Apni Gam Bhari Dunia Se
Pareshan Hun Dekhkar Teri Dard Bhari Khamoshi

©RajeevSingh #100 love shayari #share photo shayari

shayri – Aag Ko Sine Me Rakhna Diljalon Ka Kaam Hai

love shyari next

Aag Ko Sine Me Rakhna Diljalon Ka Kaam Hai
Apne Hi Aansu Me Jalna Diljalon Ka Kaam Hai

Chhup Gaya Haal E Dil Chand Taron Ki Bhasa Me
Khamoshi Se SabKuchh Kahna Diljalon Ka Kaam Hai

Sath Chala Hai Ek Saaya Sang Mere Ek Disha Me
Aathon Pahar Tanha Bhatakna Diljalon Ka Kaam Hai

Dunia Jinko Thukrati Hai Pagal Aur Barbad SamajhKe
Unse Hi Do Baten Karna Diljalon Ka Kaam Hai

©RajeevSingh #100 love shayari #share photo shayari

shayari – Dard Itna Teri Aankhon Me Nazar Aaya Hai

prevnext

Ye Samandar Mere Dil Me Utar Aaya Hai
Dard Itna Teri Aankhon Me Nazar Aaya Hai

Badi Mushkil Hai Ye Ishq Chhupaye Rakhna
Raaj Aisa Hai Ki Chehre Pe Sanwar Aaya Hai

Itne Sadme Sahe Hain Teri Khwahish Me
Meri Khamoshi Ke Tukdon Ne Gazal Gaya Hai

Ye Aansu Hain Mere Jisko Rona Nahi Aata
Tera Har Gam Meri Aankhon Me Thahar Aaya Hai

©RajeevSingh # love shayari #share photo shayari

shayri – Dard Ki Raah Si Nikal Aayi Hai Teri Aankhon Se

prevnext

Phool Na Toot Sakega Hawa Ke Jhonko Se
Ye To Tootega Kisi Aadmi Ke Hathon Se

Ashq Ne Khinchi Lakiren Tere Do Galon Pe
Dard Ki Raah Si Nikal Aayi Hai Teri Aankhon Se

Dhoondhta Hun Mai Jab Apni Hi Khamoshi Ko
Mujhe Kuchh Kam Nahi Dunia Ki Baton Se

Aasma De Na Saka Chand Apne Daman Ka
Mangti Rah Gayi Dharti Kayi Raton Se

©RajeevSingh # love shayari #share photo shayari

shayari – Ji To Karta Hai Mere Saamne Tum Baithi Raho

prevnext

Ji To Karta Hai Mere Saamne Tum Baithi Raho
Apni In Dard Bhari Aankhon Se Mujhe Dekhti Raho

Mai Khud Doob Jaaun Teri In Nigahon Me
Aur Tum Khamoshi Se Mujhme Khoyi Raho

Ye Udasi Teri Surat Pe Bahut SajTi Hai
Chahta Hun Ki Tum Yun Hi Jara Pyasi Raho

Tere Noor Se Mere Dil Me Shama Jalti Rahe
Aur Tum Samne Baithi Raho, Bas Baithi Raho

©RajeevSingh # love shayari #share photo shayari

shayari – Kabhi Roye Tere Khatir

prevnext

Kabhi Roye Tere Khatir, Kabhi Chup Huye Tere Khatir
Kabhi Jalte Rahe To Kabhi Bujhte Rahe Tere Khatir

Kharch Hone Na Diya Hansi Ko Apne Hothon Se
Apni Khamoshi Me Sahejte Rahe Tere Khatir

Meri Manzil Wahin Hai Jahan Par Tum Thahri Ho
Har Kadam Pe Ham Muntzir Rahe Tere Khatir

Ho Gaya Hun Main Ajnabi Sa Khud Apne Liye
Kho Gaya Hun Na Jane Kahan Par Tere Khatir

©RajeevSingh # love shayari #share photo shayari