Tag Archives: khanjar shayari

after breakup shayari – jahan bhi raho tum khush rahna meri jaan

love shayari hindi shayari


Jakhm E Dil Sine Me Dariya Sa Bahta Hai
Mere Khoon E Jigar Me Tera Khanjar Rahta Hai

Tune Aashiqi Me Mere Dil Ke Tukde Kiye
Tera Jana Mujhe Shishe Ki Tarah Chubhta Hai

Koyi Anzam Baki Nahi Mere Jeevan Me
Dard Hi Dard Har Pal Aankhon Se Rista hai

Jahan Bhi Raho, Tum Khush Rahna Meri Jaan
Ye Dil Teri Khatir Yahi Duaa Karta Hai

jakhm e dil – दिल के जख्म
rista  – to flow


©RajeevSingh # love shayari #share photo shayari

Advertisements

shayari – apni hi do nazar se hame maar daliye

love shayari hindi shayari


Khanjar Na Shamsheer Par Aap Dhar Daliye
Apni Hi Do Nazar Se Hame Maar Daliye

Mere Marmari Se Dil Ko Koyi Poochhta Nahi
Najuk Se Is Gulaab Ko Jara Tod Daliye

Is Rangmahal Me Hai Meri Berang Zindagi
Apni Adaa Se Isme Kuchh Rang Daliye

Ham Jee Nahi Sakte Hain Ab Aapke Bina
Chidiya Hai Muntazir Ki Aap Jaal Daliye

muntazir – waiting
shamsheer – sword


©RajeevSingh # love shayari #share photo shayari

shayri – wo aankhon me samandar ki tarah aata hai

love shayari hindi shayari

Wo Aankhon Me Samandar Ki tarah Aata Hai
Aaine Me Bhi PatThar Ki Tarah Aata Hai

Kaun Samjhayega Ishq Me Rone Walon Ko
Toota Sapna Bhi Dilbar Ki Tarah Aata Hai

Waqt Bewaqt Besabab Betakalluf Sa
Mere Sine Me Wo Khanjar Ki Tarah Aata Hai

Na Gamgeen Ho Mere Dost Meri Maiyat Pe
Koyi Duniya Me Musafir Ki Tarah Aata hai

©RajeevSingh # love shayari

shayri – tu suraj hai, chanda hai, shamma bhi hai

love shayari hindi shayari

Ay Khanjar Mere Dil Ko Khoon Se Tar Kar De
Ay PatThar Meri Aankho Me Tu Pani Bhar De

Tu Suraj Hai, Chanda Hai, Shamma Bhi Hai
Mere Andhiyare Jeewan Me Roshni Bhar De

Mere Hamrah Teri Raah Ke Ham Musafir Hain
Tu Mere Sang Chale, Aisa Manzar Kar De

Raat Bite Hain Aise Jaise Gujarte Hain Sitam
Tu Kabhi Aake Amawas Ko Poonam Kar De

©RajeevSingh # love shayari

shayri – JaneJa Hun Main Tera GunahGar Sahi

love shayari hindi shayari

JaneJa Hun Main Tera GunahGar Sahi
Le Tu Khanjar Aur Kar De AarPar Sahi

Maut Yun Bhi Tere Hathon Likhi Hai Zalim
Jo Likhi Hai Use Tu Padh Le Ek Bar Sahi

Samne Tum Jo Rahogi Tu Mar Na Paunga
Chahe Khanjar Ye Chubhaogi Kayi Bar Sahi

Janta Hun Ki Ye Saja Bhi Na De Paogi
Aa Bhi Jaun Tere Dar Pe Mai BarBar Sahi

©RajeevSingh # love shayari

shayri – Ishq Me Inke Siwa Aur Kuchh Hasil Nahi Hota

love shyari next

Agar PatThar Ke Sine Me Bhi Koyi Dard E Dil Hota
Kisi Sheeshe Ko Ye Tode, Kabhi Mumkin Nahi Hota

Masiha Ne Jamane Ko Sikhaya Raah Pe Chalna
Magar Dunia Me Koyi Sachcha Musafir Nahi Hota

Jism Me Dard Hi Rooh Ka Ahsaas Karta Hai
Har Kisi Seene Me Ye Jakhm Ka Khanjar Nahi Hota

Daag Ye Dhul Na Jaye, Aag Ye Bujh Na Jaye
Ishq Me Inke Siwa Aur Kuchh Hasil Nahi Hota

©RajeevSingh #100 love shayari #share photo shayari

shayri – Apni Dunia Wo Nahi Hai Jisme Dil Ka Naam Nahi

love shyari next

Baithe Baithe Soch Raha Hoon Diwaron Se Peeth Laga Ke
Khud Ko Mai Khoj Raha Hoon, Sine Pe Khanjar Chala Ke

Ummidon Ka Sawan Kal Tak, Barsa Tha Do Aankhon Se
Aaj Sab Kuchh Sookh Gaya Hai, Reton Me Ummid Jaga Ke

Aane Do In Panchhiyon Ko, Aangan Me Mai Akela Hoon
Meri Tarah Musafir Hain Ye, Jite Nahi Hain Shahar Basa Ke

Apni Dunia Wo Nahi Hai Jisme Dil Ka Naam Nahi
Kaise Jiyenge Ham Bhala Phir Kisi Se Deh Laga Ke

deh- body, जिस्म

peeth- पीठ, back

©RajeevSingh #100 love shayari #share photo shayari