Tag Archives: koshish shayari

shayari on tears – unki yadon ko bhool jana mumkin nahi

love shayari hindi shayari


Mujhme Aata Hai Mera Yaar Aansu Bankar
Phir Se Wo Bichhadta Hai Aansu Bankar

Unki Yadon Ko Bhool Jana Mumkin Nahi
Meri Har Koshish Bahti Hai Aansu Bankar

Pyar To Pyar Hai, Mehsoos Kiya Jata Hai
Ahsaas Gazal Likhta Hai Aansu Bankar

Aansuon Se Mohabbat Nazar Aati Hai
Meri Nazron Me Tu Salamat Aansu Bankar


©RajeevSingh # love shayari #share photo shayari

Advertisements

shayri – biti baton ko duhrane se faayda kya hai

love shayari hindi shayari

Biti Baton Ko Duhrane Se Faayda Kya Hai
Jo Huaa Ab Usme Achchha Bura Kya Hai

Kis Tarah BantTa Hai Ay Khuda Bandon Ko Sifat
Teri Duniya Me Ye Kam Aur Jyada Kya Hai

Log Jab Din Raat Pyar Ke Geet Sunte Hain
Phir Is Jahan Ka Ye Khoon Kharaba Kya Hai

Bahut Koshish Karta Hun Par Samajh Nahi Pata
Ye Mere Samne Har Or Ho Raha Tamasha Kya Hai

sifat – qualities

©RajeevSingh # love shayari #share photo shayari

shayri – ek bar ishq kiya zindagi me hamne

love shayari hindi shayari

Dard E Dil Ke Raton Ka Sabera Na Ho
Bewfai Ke Ujalon Me Andhera Na Ho

Ek Baar Ishq Kiya Zindagi Me Hamne
Koshish Kiya Ye Galti Dobara Na Ho

Tere Dil Me Bhi Aansuo Ke Parinde Honge
Kisi Saiyaad Ka wahan Pe Basera Na Ho

Ek Musafir Bar-Bar Duaa Karta Hai
Kisi Shahar Me Koyi Uska Sahara Na Ho

parinda- bird
saiyaad- who traps bird, शिकारी

©RajeevSingh #love shayari

shayri – Jabse Bichhda Hai Mera Hasin Hamsafar

prevnext

Chal Pada Hun Kidhar, Jabse Chhuta Hai Ghar
Aur Bichhda Hai Mera Hasin Hamsafar
Chal Pada Hun Kidhar, Jane Kaun Shahar

Apne Saye Se Rukhsat Huaa Tha Kabhi
Jab Diye Bujh Gaye Muflisi Me Sabhi
Ab Andhere Me Rahta Hun Aathon Pahar
Chal Pada Hun Kidhar, Jane Kaun Sahar

Koshishen Ki Bahut, Hausle The Magar
Ho Gaya Chak Mera Ye Nazuk Jigar
Phir Bhi Mil Na Saka Ishq Me Rahguzar
Chal Pada Hun Kidhar, Jane Kaun Shahar

Sagar Se Uthe The Dhuyen Ki Tarah
Phir Hawa Me Ude Panchhiyon Ki Tarah
Aur Ghata Banke Ek Dil Barsi Nazar
Chal Pada Hun Kidhar, Jane Kaun Sahar

©RajeevSingh # love shayari #share photo shayari