Mein Parindon Ki Tarah Aasma Me Udta Tha
Aathon Pahar Tere Khayalon Me Dooba Rahta Tha
Mujhpe Itni To Sanam Inayat Ki Tumne
Muskurati Thi Jab Tumko Sanam Kahta Tha
Tu Jo Khoyi To Ye Sara Jahan Veeran Huaa
Ab Wo Jogi Huaa Jo Kal Tera Deewana Tha
Mein To Tukdon Ko Jodta Hun Ki Tujhe Dekhun
Tu Hi Tasweer Thi Aur Dil Toota Aaina Tha
©RajeevSingh # love shayari #share photo shayari
Duniya Ne Deewano Ko Sadiyon Se Hai Thukraya
Aazad Parindon Ko Koyi Na Samajh Paya
Chalte Huye Rahon Pe Dekhun Mein, Sunu Bhi Kya
Jab Shahar Ke Logon Me Ye Dil Hi Na Mil Paya
Ham Tumse Jude The To Rone Me Adaa Bhi Thi
Ab Toot Gaye Hain To Aansoo Na Nikal Paya
Apne Bhi Paraye Bhi, Kuchh Door Ke Sathi Hain
Hamne To Yahan Sabko MahroomE Wafa Paya
mahroomE wafa- without commitment
Dard E Dil Ke Raton Ka Sabera Na Ho
Bewfai Ke Ujalon Me Andhera Na Ho
Ek Baar Ishq Kiya Zindagi Me Hamne
Koshish Kiya Ye Galti Dobara Na Ho
Tere Dil Me Bhi Aansuo Ke Parinde Honge
Kisi Saiyaad Ka wahan Pe Basera Na Ho
Ek Musafir Bar-Bar Duaa Karta Hai
Kisi Shahar Me Koyi Uska Sahara Na Ho
parinda- bird
saiyaad- who traps bird, शिकारी
Tujhe DekhKar Ham Sari Thakan Bhoolte Hain
Man Ke Sabhi Parinde Udan Bhoolte Hain
Tum Aaye To Ek Samandar Bhi Thahra
Lahron Ki Jawani Toofan Bhoolte Hain
Muhabbat Ki Is Hasin Dilkashi Me
Deewane To Aakhiri Anzaam Bhoolte Hain
Zahan Me Is Tarah Basa Aks Tera
Aaina Dekh Ab Apna Naam Bhoolte Hain
Man- मन
Udan- fly
zahan- consciousness
