Tag Archives: sitam shayari

shero shayari sad – hoti hai mehsoos har jagah dard ki jhalak

new prev new shayari pic

Dhadkan Ki Tadap Ho Ya Sanso Ki Sisak
Hoti Hai Mehsoos Har Jagah Dard Ki Kasak

Aashiqi Ke Phool To Murjha Chuke Lekin
Ab Tak Aa Rahi Hai Tere Sitam Ki Mehak

Isi Ka Afsos Rahega Ab Mujhe ZindagiBhar
Kabhi Dekh Na Paaun Shayad Teri Ek Jhalak

Bahut Rokta Hun Magar Teri Yaad Aate Hi
Bebas Aansu Aankhon Se Jate Hain Chhalak

©rajeevsingh              shayari

prev shayari green next shayari green

Advertisements

shayari – jane kab tak wo mere dil ko aajmayenge

new prev new shayari pic

Haal E Dil Jaankar Bhi Wo Nahi Aayenge
Ishq Unko Bhi Hai Phir Bhi Nahi Manenge

RasmE Duniya Hai Aur Walid Ka Aashiyan Hai
Wo Aabroo Ke Liye Aashiq Ko Thukrayenge

Ham To Sahkar Jiye Jate Hain Unke Sitam
Jane Kab Tak Wo Mere Dil Ko Aajmayenge

Raat Tanha Hi Sahi, Din Besahara Hi Sahi
Bas Unke Dard Me Ham Har Lamha Bitayenge

rasme duniya – दुनिया के रस्म रिवाज
walid – father

©rajeev singh shayari

shayari – toota gulab dekar pyar ka ikraar kiya

 new prev new shayari pic

Tune Usi Najuk Bejuban Ko Tod Liya
Jis Gulab Se kabhi Jara Bhi Pyar Kiya

Kisi Se Dil Ke Rishte Ko Jodne Ke Liye
Toota Gulab Dekar Pyar Ka Ikrar Kiya

Ye Kaisa Pyar Jo Todkar Khush Hota Hai
Duniya Me Kyon Tune Aisa Karobar Kiya

Murjha Gaya, Tere Kisi Kaam Ka Na Raha
Fek Dene Ka Sitam Tune Kitni Baar Kiya

©rajeev singh shayari

shayri – had se jayada ye dard jab badh jayega

love shayari hindi shayari

Ham Wasl Ke Waham Me Jiye Jayenge
Hizr Ke Dard Alam Se Piye Jayenge

Teri Yadon Ki Raton Me Royenge Ham
Ishq Me Ye Sitam Bhi Sahe Jayenge

Had Se Jyada Ye Dard Jab Badh Jayega
Ham Khamoshi Ko Tod Gazal Gayenge

Jab Furkat Ke Sadme Mile Hain Hamen
Tumse Milne Ki Duaa Bas Mangenge

wasl – meeting, मिलन
hizr – seperation, जुदाई
alam – pain, कष्ट
furkat – seperation, जुदाई

©RajeevSingh # love shayari #share photo shayari

shayri – ham muskurate huye zakhm khate gaye

love shayari hindi shayari

Wo Sitam Pe Sitam Mujhpe Dhate Gaye
Ham Muskurate Huye Zakhm Khate Gaye

Jinki Khushiyon Ki Khatir Marte Rahe
Wo Rishte Nate Hi Dil Ko Rulate Gaye

Aankhon Me Aansuon Ki Kami Na Rahe
Ham Samandar Me Pani Ko Late Rahe

Deewangi Ne Kabhi Haar Mani Nahi
Meri Mohabbat Bhale Wo Thukrate Gaye

©RajeevSingh #love shayari

shayri – Ishq Ke Is Daag Ka Ek Bewfa Se Rishta Hai

love shyari next

Ishq Ke Is Daag Ka Ek Bewfa Se Rishta Hai
Is Dunia Me Sadiyon se Aashiq Ka Ye Kissa Hai

Dard E Dil Ki Aag Ko Koi Sagar Kya Bujhayega
Diljalaa To Maut Ke Pahloo Me Jakar BujhTa Hai

Har Sitam Ek Aaina Hai, Tumko DekhuN Bar Bar
Khoon E Jigar To Teri Zafa Hi Pane Ko TarasTa Hai

Kagaz Ke Phulon Ki Khusboo Bhar Jati Hai Aankho Me
Tere In Purane Khaton Me Tera Saya Dikhta Hai

 

zafa- जुल्म
khoon e jigar- जिगर का खून
dard e dil- दिल का दर्द

©RajeevSingh #100 love shayari #share photo shayari

shayari – Kabhi Hanste Ho, Kabhi Rooth Jate Ho

love shyari next

Kabhi Hanste Ho, Kabhi Rooth Jate Ho
Tum In Adaon Se Mera Dil Churate Ho

Bujh Gayi Mai Bandhnon Me Jeete-Jeete
Ek Tum Hi To Ho Jo Mujhko Jalate Ho

Ek Jawan Pyas Mili Hai Tumko Pakar
Khwab Ka Dariya Registan Me Bahate Ho

Barha Tere Hi Paas Mai Chali Aati Hun
Apne Sitam Se Aisa Asar Chhor Jate Ho

barha- always- बार-बार

©RajeevSingh # love shayari #share photo shayari

shayari – Sitam Ke Nishan Hain Dil Ke Badan Par

love shyari next

Apni Takdeer Pe Hamko Badguman Hai
Mera Katil Hi Ab Mera Rahnuma Hai

Badi Rangeen Hai Dunia Ki Mahfil
Bas Mere Ghar Me Udasi Ka Shama Hai

Sitam Ke Nishan Hain Dil Ke Badan Par
Kahin Dard Jakhmo Ke, Kahin Aansu Thama Hai

Kaun Kahta Hai Ki Tumse Mil Na Sake
Teri Tasweer Ko Hamne Kayi Bar Chooma Hai

©RajeevSingh # love shayari #share photo shayari

shayari – Ye Jakhm Tere Sitam Ki Pehchaan Ban Gaye

love shyari next

Reton Pe Har Kadam Nishan Ban Gaye
Ye Jakhm Tere Sitam Ki Pehchan Ban Gaye

Aansu Pilake Rooh Ko Zinda To Kar Liya
Ab Pyas Hai Itni Ki Bejan Ban Gaye

Ab Tak To Mujhe Tera Surag Na Mila
Tujhe Khojne Me Khud Se Hi Anjan Ban Gaye

Lambi Umar Thi Lekin Tere Hi Ishq Me
Dunia Me Do Ghadi Ke Mehman Ban Gaye

ret- sand
bejan- without life
surag- trace

©RajeevSingh # love shayari #share photo shayari

shayari – Jiske Sitam Ko HansKe Gale Se Laga Liya

nextprev

Hamne To Bewfa Ke Bhi Dil Se Wafa Kiya
Isi Saadgi Ko DekhKar Sabne Daga Kiya

Meri Tishnagi To Pee Gayi Har Jakhm Ke Aansu
Gardish Me Aake Hamne Apna Ghar Bana Liya

Mere Saamne Khuda Bhi Bhala Aa Paye To Kaise
Jiske Sitam Ko HansKe Gale Se Laga Liya

Pareshaniyon Ke Dam Pe Tikee Hai Ye Zindgi
Is Gam Se Hi Jeevan Ka Sapna Saja Liya

©RajeevSingh # love shayari #share photo shayari

bezubaan ashiq shayari- Jee Rahe Ho Aashiyan Me Aaine Ki Tarah

prevnext

Jee Rahe Ho Aashiyan Me Aaine Ki Tarah
Itne Juban Walon Ke Beech Bejuban Ki Tarah

Toot Jaoge, Jamane Se Daga Mat Khana
Yahan Milte Hain Bewafa Bhi Bawafa Ki Tarah

Chup Rahte Ho Aur Khud Pe Sitam Dhate Ho
Phir Bhi Dikhte Nahi Ho Pareshan Ki Tarah

Tumhare Dil Me Basa Hai Ulfat Ka Sagar
Magar Aankhen Hain Teri Registan Ki Tarah

bawafa – committed person

©RajeevSingh # love shayari #share photo shayari

shayri – Dard Gahra Ho To Aawaz Kho Jaati Hai

prevnext

Chhalakte Dard Ko Hothon Se Bataun Kaise
Ye Khamosh Gazal Main Tumko Sunaun Kaise

Dard Gahra Ho To Aawaz Kho Jaati Hai
Jakhm Se Tees Uthe To Tumko Pukarun Kaise

Mere Jazbaton Ko Meri In Aankho Me Padho
Ab Tere Saamne Main Aansoo Bhi Bahaun Kaise

Ishq Tumse Kiya, Jamane Ka Sitam Bhi Saha
Phir Bhi Tum Door Ho Hamse, Ye Jataaun Kaise

Tees- टीस- pain

jataaun- जताऊं- To convey

©RajeevSingh # love shayari #share photo shayari