Tag Archives: surat shayari

shayri – pal bhar me tumse ishq huaa tha

love shayari hindi shayari

Usi Mod Pe Kyun Aaya Musafir
Jahan Par mein Pahle Se Hi Khadi Thi
Pal Bhar Me Tumse Ishq Huaa Tha
Pal Bhar Hi To Nigahen Ladi Thi

Tujhe Dekhkar Mujhe Aisa Laga Tha
Ki Pyasa Hai Tu Barso Baras Se
Aankhon Me Shabnam, Juban Pe Khamoshi
Surat Me Tere Udasi Jadi Thi

Tune Bhi Mujhko Nazar Bhar Ke Dekha
Meine Bhi Tumko Jara Dar Ke Dekha
Kuchh Teri Aankhon Me Hamne Padhi Thi
Kuchh Meri Aankhon Ne Tumse Kahi Thi

Agar Mera Tumse Hai Koyi Marasim
To Aao Chalen Ham Hasin Safar Pe
Nahi Thi Khabar Ay Nadan Musafir
Hamare Bhi Kismat Me Aisi Ghadi Thi

marasim – relation

©RajeevSingh # love shayari #share photo shayari

Advertisements

shayri – dil ke safar me kat gayi raten jagi huyi

love shayari hindi shayari

Ghoonghat Utha Ay Ajnabi, Surat Dikha jara
Parde Ki Ot Me Na Chhip, Bahar Nikal Jara

Dil Ke Safar Me Kat Gayi Raten Jagi Huyi
Muddat Huye Soya Nahi, Lori Suna Jara

Badhti Huyi Ye Dhadkane, Hoti Huyi Tej Sans
Pasine Pasine Ho Gaya, Aanchal Dula Jara

Rahat Milegi Chand Pal Usko Niharkar
Tasweer Ke Manind Hi Aankho Me Aa Jara

chand- few, कुछ

©RajeevSingh # love shayari

shayri – Kya Milega Dil Ko Is Daulat Ke Bazar Me

love shyari next

DhoondhKar Payenge Kya Dunia Ke GharBaar Me
Kya Milega Dil Ko Is Daulat Ke Bazar Me

Bas Poochhte Hain Sab Yahi Kaam Kya Karta Hun Mai
Kahta Hun Dil Pe Hath Rakh, Mai Hun Iske Begar Me

Muh Mod Gaye The Tum Meri Mayoosh Surat DekhKar
Tune Bhi Ye Dekha Nahi, Kya Hai Dil E Bimar Me

Tanhaiyon Ki Raat me Ham So Nahi Paye Kabhi
Bas Chhat Pe Tahalte Rahe Soye Huye Sansaar Me

©RajeevSingh #100 love shayari #share photo shayari

shayri – Ham Apne Dil Ke Kanton Me Teri Surat Dikha Denge

love shyari next

Jigar Me Aag Hai Jab Tak, Harek Deepak Jala Lenge
Nazar Me Ashq Hai Jab Tak, Harek Manzar Baha Denge

Mujhe Bhi Maut Ke Saye Se Dar Lagta Hai Ay Maalik
Magar Jab Tum Kahogi Tab Harek Khanzar Chubha Lenge

Tumhe Jo Phool Kahte Hain Unhe Ye ILm Bhi To Ho
Ham Apne Dil Ke Kanton Me Teri Surat Dikha Denge

Sikhaya Hai Tumhi Ne Ye Ada Bhi Apne Bande Ko
Agar Tum Samne Aao, Ham Apna Sar Jhuka Lenge

©RajeevSingh #100 love shayari #share photo shayari

shayari – Gam Hi Khata Huaa Aur Dard Ko Peeta Huaa

love shyari next

Gam Hi Khata Huaa Aur Dard Ko Peeta Huaa
Jism Bhi Tha Magar Ek Rooh Ko Jeeta Huaa

Jal Rahe Shole Ki Manind Dil Ki Lakdi Hai
Aag Me Jalke Bhi Us Aag Ko Sulgata Huaa

Ashq Bhar-Bhar Ke Rah Gaye Hain In Aankhon Me
Teri Surat Ka Kanwal Aaine Ko Dikhlata Huaa

Meri Duniya Teri Duniya Se Alag Hai Saki
Ishq Ka May Hi Is Rooh Ko Pilata Huaa

kanwal- lotus

©RajeevSingh # love shayari #share photo shayari