Apna Har Ek Dard Hamne Likh Diya, Likh Diya
Tumne Dil Jo Jo Kaha, Kar Diya, Kar Diya
Subah Se Sham Talak Aur RaatBhar Ye Huaa
SochKar Tumko Ay Hamdam Ro Diya, Ro Diya
Mai Bhala Kyun Jaunga Bheed Bhari Rahon Pe
Lashon Ke Juloos Se Main, Dar Gaya, Dar Gaya
Bastiyon Se Ab Ujadke Aa Gaya Ab Tanhai Me
Ishq Ke Is Aashiyan Me Rah Gaya, Rah Gaya
Sirf Ahsaas Tha Dil Me Jo Saza Ho Gayi
Tujhe Dekhna Zindagi Ke Liye Khata Ho Gayi
Mujhko Har Zakhm Diya Hai Mere Hi Dil Ne
Ishq Mahsoos Huaa To Main Dastaan Ho Gayi
Ab To Rahon Me Tere Jaisa Koyi Deewar Nahi
Kisase Takraun Ab Main To Tanha Ho Gayi
Wo Juda Hoke Mujhse Bahut Rota Hai
Jiski Khushiyon Ke Khatir Main Bewafa Ho Gayi
Chhoo Gayi Wo Chandni Kali Ghata Me Chhup Gayi
Ishq Ki Shama Jalakar Wo Shahar Me Kho Gayi
Har Andhere Me Ujala Aas Bankar Rahta Hai
Tere Aane Ki Har Aahat Jugnoo Bankar Bujh Gayi
Jee Nahi Lagta Aashiyan Me Tere Bin Sham Dhale
Raton Ke In Rahguzron Pe Zindgi Tanha Rah Gayi
Aaina Dil Ki Dastan Ko Roj Hi Duhrata Hai
Ek Kayamat Sanwar Ke Usme, Uska Dil Tod Gayi
